Party: Clara 3000 [Кtdj-Fr] - Сектор 909

Party: Clara 3000 [Кtdj-Fr] - Сектор 909

24/03/16 четврток
CLARA 3000 [KTDJ - FR]
IVANA DRAGSHICH
Овој четврток имаме необично задоволство да ги облечеме најомилените фармерки, да се затвориме во Сектор, да се испонашаме како сериозни и слободни луѓе, навлечени на добра музика и прљава психоделична атмосфера и да се изгубиме во музичкото искуство на Клара 3000. Избегана од часови пред да заврши средно, директно од улиците на Париз, преку second hand продавници за плочи и музички магазини, највозбудливите клубови изминатите години и модните писти на Balenciaga – Клара 3000 успева беспрекорно да ги спои најандерграунд и најмодерните звуци од различните епохи на современата музика!
Особен примерок на својата генерација – помлада од голем дел од самата музика што ја врти на плочи, покажува огромно разбирање за квалитетната музика создадена во разни времиња и делови на светот и неверојатен талент за спојување на музичката разновидност во инспиративни, психоделични и умни диџеј сетови. Ако сте љубители на музиката на PIL, CAN или ESG – ќе се изненадите дека всушност сте ги обожавале и Dollkraut, Daniel Avery и Suuns. Ако мислите дека врската меѓу модата и музиката е површна – ќе се изненадите колку е кул овој концепт.
Клара 3000 – гламурозно прљаво искуство, овој четврток во Сектор!
Повеќе миксови и продуцирана музика на Клара 3000 можете да чуете на: https://soundcloud.com/clara3000

Ивана Драгшиќ пушта музика на радио, во барови, галерии и клубови во Скопје. Ненаметливо и одговорно селектира музика која би требала да биде добро загревање гостинскиот сет. Овде има нешто да се чуе: https://www.mixcloud.com/ivana_dragsic/